ក្រុមហ៊ុន ខេមបូឌាន ដេរីវ៉េទីវ អ៊ិចឆេង បន្តផ្សព្វផ្សាយអំពីប្រទេសកម្ពុជានៅពិព័រណ៍អន្តរជាតិ

ក្រុមហ៊ុន ខេមបូឌន ដេរីវ៉េទីវ អ៊ិចឆេង ដែលជាក្រុមហ៊ុនឧបករណ៍និស្សន្ទឈានមុខគេ ជាមួយនឹងបទពិសោធន៍ និងវត្តមានជាសាកល បានចូលរួមនៅក្នុងពិព័រណ៍ iFX Expo Asia 2019 ដែលជាពិព័រណ៍ហិរញ្ញវត្ថុដ៏ធំបំផុតមួយ ដោយបានប្រមូលផ្តុំទីប្រឹក្សាហិរញ្ញវត្ថុ ក្រុមហ៊ុនឈ្មួញជើងសាឧបករណ៍និស្សន្ទ ធនាគារ ស្ថាប័នផ្តល់សេវាកម្មជំនាញៗ និងក្រុមហ៊ុននាំមុខក្នុងវិស័យហិរញ្ញវត្ថុពីតំបន់ផ្សេងៗនៃពិភពលោក។ ព្រឹត្តិការណ៍ដ៏មានអត្ថន័យនេះ ក៏បានកត់ត្រាការចូលរួមលើកដំបូងរបស់និយ័តករកម្ពុជា ពោលគឺគណៈកម្មការមូលបត្រកម្ពុជា។ ពិព័រណ៍នេះ ត្រូវបានធ្វើឡើងក្នុងរយៈពេលបីថ្ងៃ ចាប់ពីថ្ងៃទី 22 ដល់ថ្ងៃទី 24 ខែមករា ឆ្នាំ2019 នៅមជ្ឈមណ្ឌលសន្និបាតនិងពិព័រណ៍ហុងកុងនៃទីក្រុងហុងកុង។

លោក Lawrence Kook អភិបាលនៃក្រុមហ៊ុន ខេមបូឌាន ដេរីវ៉េទីវ អ៊ិចឆេង បានលើកឡើងថា៖ “ការចូលរួមរបស់យើងនៅក្នុងពិព័រណ៍ iFX Expo Asia 2019នេះ បានបង្ហាញពីការប្តេជ្ញាចិត្តរបស់យើងក្នុងការផ្សព្វផ្សាយពីប្រទេសកម្ពុជា និងជួយប្រទេសមួយនេះពង្រឹងយុទ្ធសាស្រ្ត និងអភិវឌ្ឍទីផ្សារឧបករណ៍និស្សន្ទរបស់ខ្លួនឱ្យស្របទៅនឹងវិស័យឧបករណ៍និស្សន្ទរបស់ពិភពលោក ដែលកំពុងតែរីកលូតលាស់យ៉ាងឆាប់រហ័ស។”

ពិព័រណ៍ iFX Expo 2018 នៅប្រទេសសាយប្រឺស(Cyprus) និងកិច្ចប្រជុំកំពូលទីក្រុងឡុងឆ្នាំ ២០១៨(London Summit 2018) នៅប្រទេសអង់គ្លេស គឺជាព្រឹត្តិការណ៍អន្តរជាតិធំៗពីរ ដែល ក្រុមហ៊ុន ខេមបូឌាន ដេរីវ៉េទីវ អ៊ិចឆេង បានចូលរួមកាលពីឆ្នាំមុន។ ដូចដែលបានរំពឹងទុក តាមរយៈពិព័រណ៍ទាំងនេះ វិនិយោគិនផ្សេងៗគ្នា បាននិងកំពុងមកធ្វើទស្សនៈកិច្ចពាណិជ្ជកម្មនៅប្រទេសកម្ពុជា ហើយនេះ គឺជាលទ្ធផលជាផ្លែផ្កាមួយ ដែលបានមកពីការខិតខំប្រឹងប្រែងរបស់ក្រុមហ៊ុន ខេមបូឌាន ដេរីវ៉េទីវ អ៊ិចឆេង។

អភិបាលនៃក្រុមហ៊ុន ខេមបូឌាន ដេរីវ៉េទីវ អ៊ិចឆេង រូបនេះ បានបន្ថែមថា៖ “គិតមកដល់ពេលនេះ យើងបានចូលរួមក្នុងពិព័រណ៍អន្តរជាតិមួយចំនួនមកហើយ។ ក្នុងនោះ យើងបានបង្ហាញពីប្រទេសកម្ពុជា និងសក្តានុពលវិនិយោគរបស់វាដល់វិនិយោគិនបរទេសជាច្រើន។ ជាលទ្ធផល យើងទទួលបានចំនួនគួរឱ្យកត់សម្គាល់មួយនៃវិនិយោគិនដែលមកពីចក្រភពអង់គ្លេស ប្រទេសស្វីស ប្រទេសអារ៉ាប់រួម ប្រទេសជប៉ុន ប្រទេសសិង្ហបុរី ប្រទេសឥណ្ឌូនេស៊ី ប្រទេសចិន ប្រទេសមីយ៉ាន់ម៉ា និងប្រទេសវៀតណាម ដែលបង្ហាញពីចំណាប់អារម្មណ៍របស់ពួកគេ និងទំនាក់ទំនងពួកយើងដើម្បីសិក្សាពីឱកាសវិនិយោគនៅកម្ពុជាបន្ថែមទៀត។ នេះ គឺជាសមិទ្ធិផលគួរជាទីមោទកៈ សម្រាប់ក្រុមហ៊ុន ខេមបូឌាន ដេរីវ៉េទីវ អ៊ិចឆេង និងប្រទេសកម្ពុជាទាំងមូល ពីព្រោះពួកយើង កំពុងធ្វើការរួមគ្នាឆ្ពោះទៅរកភាពរុងរឿងនៃទីផ្សារឧបករណ៍និស្សន្ទ។”

នៅឯពិព័រណ៍ iFX Expo Asia 2019នេះ លោក Lawrence ត្រូវបានអញ្ជើញឱ្យចូលរួមជាវាគ្មិនកិត្តិយសក្នុងកិច្ចពិភាក្សាតុមូល ដើម្បីផ្តល់ឱ្យទស្សនិកជននូវការយល់ដឹងពីអនាគតនៃវិស័យឧបករណ៍និស្សន្ទនេះ។

ឯកឧត្ដម សុខ ដារ៉ា អគ្គនាយករងនៃគណៈកម្មការមូលបត្រកម្ពុជា និងលោកបណ្ឌិត វិន ភក្តី ប្រធាននាយកដ្ឋានត្រួតពិនិត្យអន្តរការីមូលបត្រនៃគណៈកម្មការមូលបត្រកម្ពុជា បានចូលរួមពិព័រណ៍ iFX Expo Asia 2019នេះ។ ពួកគាត់ បានផ្តិតយករូបភាពទាំងស្រុងនៃព្រឹត្តិការណ៍ ជាពិសេស បានឃើញ ក្រុមហ៊ុន ខេមបូឌាន ដេរីវ៉េទីវ អ៊ិចឆេង ដែលជាក្រុមហ៊ុនពីប្រទេសកម្ពុជា ផ្សព្វផ្សាយពីប្រទេស និងទីផ្សារហិរញ្ញវត្ថុរបស់ខ្លួននៅលើឆាកអន្តរជាតិ។ ពួកគាត់ បានស្ញប់ស្ញែងចំពោះភាពសកម្មរបស់ក្រុមហ៊ុន ខេមបូឌាន ដេរីវ៉េទីវ អ៊ិចឆេង នៅក្នុងទីផ្សារ ភាពម៉ត់ចត់របស់ក្រុមហ៊ុនក្នុងការអនុវត្តបទប្បញ្ញាត្តិ ក៏ដូចជាការប្តេជ្ញាចិត្តដ៏រឹងមាំរបស់ក្រុមហ៊ុនក្នុងដំណើរនៃការបន្តការលើកកម្ពស់ទីផ្សារឧបករណ៍និស្សន្ទរបស់កម្ពុជា ទោះបីក្រុមហ៊ុនត្រូវចំណាយធនធានច្រើនយ៉ាងណាក៏ដោយ។ អ្វីទាំងអស់នេះ បានធ្វើឱ្យក្រុមហ៊ុន ខេមបូឌាន ដេរីវ៉េទីវ អ៊ិចឆេង ក្លាយទៅជាគំរូមួយ មិនមែនសម្រាប់តែក្រុមហ៊ុនឧបករណ៍និស្សន្ទក្នុងស្រុកប៉ុណ្ណោះទេ ប៉ុន្តែសម្រាប់ក្រុមហ៊ុនអន្តរជាតិទៀតផង។

ក្នុងពេលជាមួយគ្នានេះដែរ វត្តមានរបស់ពួកគាត់ ដែលមកពីគណៈកម្មការមូលបត្រកម្ពុជា ដែលជានិយ័តករនៃការជួញដូរឧបករណ៍និស្សន្ទនៅកម្ពុជា បានផ្តល់នូវទំនុកចិត្ត និងចម្លើយសម្រាប់វិនិយោគិន ដែលកំពុងវិភាគលើឱកាសវិនិយោគក្នុងប្រទេសដែលស្ថិតក្នុងតំបន់អាស៊ីអាគ្នេយ៍មួយនេះ។
ក្រុមហ៊ុន ខេមបូឌាន ដេរីវ៉េទីវ អ៊ិចឆេង ទទួលបានភាពលេចធ្លោយ៉ាងឆាប់រហ័សបន្ទាប់ពីក្រុមហ៊ុនត្រូវបានបង្កើតឡើង ហើយបានបង្កើតប្រវត្ដិសាស្ដ្រជាបន្តបន្ទាប់។ បច្ចុប្បន្ននេះ ក្រុមហ៊ុខេមបូឌាន ដេរីវ៉េទីវ អ៊ិចឆេង មានក្រុមហ៊ុនឈ្មួញជើងសា និងដៃគូសហប្រតិបត្តិការច្រើនជាងគេ។ ទន្ទឹមនឹងនេះ ក្រុមហ៊ុន គឺជាដៃគូដ៏ស្វាហាប់របស់គណៈកម្មការមូលបត្រកម្ពុជាក្នុងការរួមគ្នារៀបចំព្រឹត្តិការណ៍ផ្សេងៗ រួមមានវេទិកា និងសិក្ខាសាលាទាំងនៅរាជធានីភ្នំពេញ និងតាមបណ្តាលខេត្ត ដើម្បីជម្រុញការអភិវឌ្ឍនៃទីផ្សាឧបករណ៍និស្សន្ទនៅទូទាំងប្រទេសកម្ពុជា។

កម្រងរូបថត

បន្ថែមទៀត