នាថ្ងៃទី ១៥ ខែមិថុនា ឆ្នាំ ២០១៨ នៅសណ្ឋាគារសូហ្វីតែល ភ្នំពេញ ភូគីត្រា ដោយមានការចូលរួមជាសក្ខីភាពពីឯកឧត្តម ស៊ូ សុជាតិ អគ្គនាយកគណៈកម្មការមូលបត្រកម្ពុជា (គ.ម.ក) រួមជាមួយនឹងភ្ញៀវកិត្តិយសក្នុងស្រុកនិងអន្តរជាតិជាង៦០០នាក់ ជាពិសេសមន្រ្តីរដ្ឋាភិបាល និងអ្នកជំនាញអន្តរជាតិ ក្រុមហ៊ុន CDX បានបង្ហាញនូវជោគជ័យថ្មីរបស់ខ្លួនតាមរយៈការចុះហត្ថលេខាលើអនុស្សរណៈយោគយល់គ្នាជាមួយក្រុមហ៊ុន JFX ដែលជាក្រុមហ៊ុនមូលប័ត្រដំបូងគេនៅប្រទេសឥណ្ឌូនេស៊ី ដែលមានប្រវត្តិ និង បទពិសោធន៍ជាច្រើនទសវត្សលើទីផ្សារអន្ដរជាតិ។
ការចុះហត្ថលេខាលើអនុស្សរណៈនៃការយោគយល់គ្នានេះ បានបង្កើតនូវព្រឹត្តិការណ៍ដ៏អស្ចារ្យមួយទៀតនៅក្នុងទីផ្សារហិរញ្ញវត្ថុប្រទេសកម្ពុជា ហើយបានបង្ហាញពីការឆ្លុះបញ្ចាំងដ៏ត្រឹមត្រូវនៃកិច្ចខិតខំប្រឹងប្រែងរបស់ក្រុមហ៊ុន CDX ក្នុងការបង្កើនស្តង់ដារនៃការជួញដូរឧបករណ៍និស្សន្ទ ក៏ដូចជាបង្ហាញទីផ្សារឧបករណ៍និស្សន្ទកម្ពុជាទៅកាន់ពិភពលោក ដែលបំពេញនូវការប្តេជ្ញាចិត្តដ៏រឹងមាំរបស់ក្រុមហ៊ុនចំពោះការអភិវឌ្ឍវិស័យហិរញ្ញវត្ថុទាំងមូលនៅក្នុងប្រទេសកម្ពុជា។
en
zh
